No caso de que o doutorando careza da formación previa completa esixida no programa, a súa admisión no programa poderá quedar condicionada á superación de complementos de formación específicos, que poderán ser materias ou módulos de máster e grao. Os complementos asignados a un mesmo doutorando non poderán superar os 15 créditos ECTS e poderán realizarse de forma previa ou simultánea á matrícula en tutela académica no programa.
No caso de realización simultánea o alumnado deberá matricularse destes complementos no momento de formalizar a matrícula de tutela académica no programa, que deberán superarse no prazo máximo de tres cuadrimestres consecutivos. De non facelo así, o alumnado causará baixa no programa.
Complementos
Comunicación Escrita (3 ECTS), Comunicación Multimodal (3 ECTS), Comunicación Oral (3 ECTS), Lingüística Aplicada (6 ECTS), Lingüística do Corpus (6 ECTS), Modelos e Métodos na Lingüística Actual (6 ECTS), Planificación Lingüística (3 ECTS), Recursos Bibliográficos e Xéneros Científicos (3 ECTS).